19 Lúnasa 2019

Breathnaigh ar an eisiúint: Suirbhé ar an Lucht Saothair: Meastacháin um Fhostaíocht Oibrithe Gníomhaireachta R1 2019 [EN]

Foilsíonn an Phríomh-Oifig Staidrimh (CSO) eisiúint inniu (19 Lúnasa 2019) maidir le Meastacháin um Fhostaíocht Oibrithe Gníomhaireachta ón Suirbhé ar an Lucht Saothair (SLS) i dtaobh R1 2019.

Ag tagairt don eisiúint seo, dúirt Jim Dalton, Staitisteoir: “Leagtar amach san eisiúint seo torthaí anailíse ar fhostaithe a thug le fios go raibh siad i bhfostaíocht íoctha le gníomhaireacht fostaíochta i R1 2019. Tugtar oibrithe gníomhaireachta ar na daoine seo dá bharr.

I measc na príomhthorthaí, léirítear go raibh 50,400 oibrí gníomhaireachta ann i R1 2019 agus gurbh ionann an grúpa seo agus 2.6% d’iomlán na bhfostaithe sa Stát.

Léirítear dúinn go raibh níos mó ban na fir ina n-oibrithe gníomhaireachta (52.0%). Bhí breis is beirt as gach cúigear oibrí gníomhaireachta idir 15 agus 34 bliana d’aois (43.3%). Ó thaobh áit chónaithe de, bhí sciar mórán mar an gcéanna d’oibrithe gníomhaireachta ina gcónaí sa Deisceart (41.1%) agus san Oirthear agus Lár Tíre (44.0%), sin iad réigiúin NUTS 2.

Bhí 17.9% d’oibrithe gníomhaireachta ag obair san earnáil Sláinte Daonna agus Obair Shóisialta, agus sciar nach mór mar an gcéanna (17.5%) ag obair i slí beatha Bunúsach, de réir sainmhíniú SOC2010.

Thuairiscigh 38.5% d’oibrithe gníomhaireachta go n-oibríonn siad 40 uair nó níos mó in aghaidh na seachtaine, agus dúirt beagán le cois seachtar as deichniúr (72.0%) go raibh siad i bhfostaíocht lánaimseartha.

Bhí sé dhá oiread níos coitianta ag oibrithe gníomhaireachta (38.5%) ná ag fostaithe go léir (18.3%) a thuairisciú go raibh siad i bhfostaíocht leanúnach le tréimhse faoi bhun 12 mhí. Ina theannta sin, bhí sé trí oiread níos coitianta ag oibrithe gníomhaireachta (28.0%) ná ag fostaithe go léir (9.0%) a thuairisciú go raibh siad i bhfostaíocht shealadach.”

-- CRÍOCH --