Ar ais go barr

 Téigh ar aghaidh

Is é is cuspóir le comórtas John Hooper ná feabhsú cumas daltaí chun cur síos ar a dtimpeallacht agus chun ciall a bhaint as an saol ag úsáid staitisticí. Tá an comórtas náisiúnta seo ar oscailt do fhoirne de bheirt nó triúir dalta, 18 mbliana d’aois nó faoina bun. Ainmníodh an comórtas in onóir do John Hooper BA* (1878 - 1930) agus reáchtáladh é den chéad uair chun comóradh a dhéanamh ar an chéad Lá Domhanda Staidrimh in 2010.

Is í seo an ceathrú bhliain den Ghradam um Úsáid Is Féarr Sonraí Oscailte CSO ag Taispeántas an Eolaí Óig BT. Is ar mhaithe leis an úsáid nó an úsáid fhéideartha is nuálaí de shonraí an CSO atá an gradam seo, bíodh sin mar anailísí, modhanna nó aschurtha staitistiúla agus i bhformáid píosa taighde, amharcléiriú nó léarscáil sonraí, forbairt uirlise, feidhmchlár nó úsáid ar bhealach nuálach eile de shonraí oscailte an CSO.

Tá na comórtais seo, mar aon leis an tionscnamh CensusAtSchool, urraithe ag an bPríomh-Oifig Staidrimh mar chuid dá Clár For-rochtana Oideachais.

Seo a leanas buaiteoir na gcomórtas in 2019:

Aisling Barry agus Katrin Birk, Scoil Ghramadaí Dhroichead na Bandan a fuair Bonn Staidrimh John Hooper dá bpóstaer ar chruinneas tuartha aimsire. Tháinig Aisling agus Katrin sa chéad áit i gcatagóir sinsearach de chomórtas an Chláir Idirnáisiúnta don Litearthacht Staitistiúil (ISLP).

Bhuaigh Kate Bagnall agus Bobbi Beattie, Scoil Ospidéal an Rí i mBaile Átha Cliath, an catagóir sóisearach den ISLP lena n-iontráil ar úsáid teanga i scríbhneoireacht daltaí bunscoile.

Bronnadh an Gradam um Úsáid is Fearr Sonraí Oscailte an CSO ag Comórtas an Eolaí Óig BT in Eanáir 2019.