Ceann Bonneagair TFC (Príomhoifigeach)

‌

Ceann Bonneagair TFC (Príomhoifigeach) sa Phríomh-Oifig Staidrimh

(lonnaithe i gCorcaigh)

Feidhmíonn an Phríomh-Oifig Staidrimh i ndomhan oscailte hipear-nasctha i lár tírdhreach sonraí éagsúla atá á fhorbairt go dinimiciúil. Tá an teicneolaíocht fós i gcroílár gach a dhéanann an Phríomh-Oifig Staidrimh agus an t-éileamh atá ar na seirbhísí reatha a chuirtear ar fáil ag dul i méid agus gá ann a bheith ag lorg agus ag glacadh gan stad le teicneolaíochtaí nua, agus a bheith ag léiriú an chaoi ar féidir iad a chur i bhfeidhm laistigh den Phríomh-Oifig Staidrimh ar bhealach sábháilte agus slán.

Is post sinsearach ceannaireachta é ról an Chinn Bonneagair TFC (leibhéal an Phríomhoifigigh) agus ní mór d’iarrthóirí a n-éireoidh leo an-chuid scileanna, eolais agus saineolais a bheith acu ar chúrsaí TFC agus ar chlaochlú digiteach a threorú.

Gairmí tiomanta a bheidh san iarratasóir inmhianaithe a mbeidh a leanas aige/aici:

• Saineolas maidir le dearadh agus seachadadh seirbhísí agus réitigh bonneagair oibríochtúla ar an áitreabh a stiúradh, ar fud suíomhanna éagsúla, lena n-áirítear taithí ábhartha léirithe ar bhainistiú tionscadal, ar dhearadh seirbhíse (ITIL), ar bhuiséid a bhainistiú agus ar bhainistiú straitéiseach.

• Taithí ar réitigh teicneolaíochta nuálacha iomchuí a shainaithint, a fhorbairt agus a chur i bhfeidhm chun freastal ar riachtanais ghnó phráinneacha agus chriticiúla.

• Taithí ar rialacháin soláthair a thuiscint agus a úsáid agus ar iad a chur i bhfeidhm, lena n-áirítear déileáil le raon iléagsúil soláthróirí.

DÁTA DEIRIDH AR A NGLACFAR LE hIARRATAIS:  3i.n. an 4 Feabhra 2025.

Tá an Phríomh-Oifig Staidrimh tiomanta do pholasaí comhdheiseanna agus cuirtear fáilte roimh iarratais faoi na naoi bhforas ar fad a bhaineann leis an Acht um Chomhionannas Fostaíochta.